75 гадоў з дня нараджэння беларускага празаіка, драматурга, кінасцэнарыста Георгія Васільевіча Марчука

1 студзеня 2022 года споўнілася 75 гадоў з дня нараджэння беларускага празаіка, драматурга, кінасцэнарыста Георгія Васільевіча Марчука. Да юбілею аўтара ў бібліятэцы коледжа была падрыхтавана кніжная выстава-партрэт “Раманіст, драматург, казачнік”. Георгій Марчук – адзін з самых вядомых беларускіх пісьменнікаў. З-пад яго пяра выйшлі 8 раманаў, 50 п’ес, 60 казак, 100 навел, 5 кінасцэнарыяў, каля 500 афарызмаў. Творы пісьменніка перакладзены на рускую, англійскую, польскую, украінскую, фінскую, казахскую, балгарскую, македонскую, румынскую, літоўскую мовы. Георгій Васільевіч з’яўляецца лаўрэатам Дзяржаўнай прэміі Рэспублікі Беларусь (1996) і Нацыянальнай літаратурнай прэміі (2018).  У 2010 годзе пісьменнік намініраваўся на Нобелеўскую прэмію па літаратуры.